Der Nachrichten-Rückblick auf die Zeit vom 01. Januar bis zum 07. Januar 2022. (Autorin: Judith Schreiber, Sprecherinnen: Judith Schreiber/ Brunhild Triesch).
Nau vür nem Johr sind de ierschten Aulenheïm-Bewohner geen Corona geimpft worden. Äwwer van Normalität kann noch nit der Kall sinn.
Vawegen der 2G-Regel em Eïnzelhangel, es de Stemmengk beï den Geschäftslütt nit alltuo guot. Se sind hart bang, datt de Ömsatz wiedersch en den Keller geïht.
Noh dem büsen Huhwater es ouch beï den Museumsbahnen en der Kolfert völl kaputt gegangen. Äwwer de Metgliëder vam Vereïn, hant sech büs geplogt, on de Gereïden wiëder en Fazunn braiht, su datt de TW 342 em Früöhjohr wier fahren kann.
Der Nachrichten-Rückblick auf die Zeit vom 24. Dezember bis zum 31. Dezember 2021. (Autorin: Brunhild Triesch, Sprecherinnen: Judith Schreiber/ Brunhild Triesch).
Dat Johr 2022 wierd dürder werden, äs 2021. De Stadtwerke wellen mieh für Strom, Water on Affall hann. Beï Briëfmarken on Benzin für den Füpper mott men ouch diëper en den Geildbüdel griepen.
Dat Johr 2021 geïht für den BHC doch noch met nem Siëg te Eng. Geen den HSV Hamburg stong et am Schluss 27:26. Et wor su spannend, datt de Betröüer Sigfried Knapik vür Opregengk en de Fläude fiël.
Nen besongern Gottesdiënst gof et am Hillegowend en der Kirke en Ongerburg. Dat Huhwater hät hie völl Schaden hengerloten. Offwall se keïn Orgel hatten, wuort van Kirkenmusiker Johannes Geßner on sinner Frau Musik gemackt.
Der Nachrichten-Rückblick auf die Zeit vom 18. Dezember bis zum 23. Dezember 2021. (Autorin: Brunhild Triesch, Sprecherinnen: Judith Schreiber/ Brunhild Triesch).
Der Nachrichten-Rückblick auf die Zeit vom 10. Dezember bis zum 16. Dezember 2021. (Autorin: Brunhild Triesch, Sprecherinnen: Judith Schreiber/ Brunhild Triesch).
Wenn Abellio beïm Möngstener ophüört, sall Vias Rail de S 7 fahren. Die hüören tuo nem Ongernehmen en Düren. Weffer hopen, datt de Tüög dann tuoverlässeg kuomen.
Nu sall der Stadtrot iersch em nöüen Johr beschluten, off se am Wierschberg en grute Hall bouen söllen. Et mott, onger angerm, de Finanzierengk geklört werden.
Wer am Hillegowend nit alleïn sinn mäuht, fengt em Gemeïndesaal an der Corinthstroote 16 en Waul Ongerkuomes. Töscher 18 on 21 Uhr lädt der Gastwirt Gerd König dohen en.
Der Nachrichten-Rückblick auf die Zeit vom 03. Dezember bis zum 09. Dezember 2021. (Autorin: Brunhild Triesch, Sprecherinnen: Judith Schreiber/ Brunhild Triesch).
Et Theater-on Konzerthus sall renoviert on ömgebout werden.Drömswellen sall et van Julli bes November ´22 geschloten bliewen. Vürstellungen werden woangersch stattfengen.
Völl Gedould hatten de Besüöker vam Konzert der Bergeschen Symphoniker. Et wuorten am Egang de 2G plus Regeln kontrolliert. Beluhnt wuorten se met „Swinging Christmas”.
Em Eïnzelhangel mötten se nu an der Dür prüöwen, off de Konden ouch geimpft sind. Dat es für all büs lästeg, äwwer, noh den nöüen Regeln, nüdeg.
Der Nachrichten-Rückblick auf die Zeit vom 27. November bis zum 02. Dezember 2021. (Autorin: Judith Schreiber, Sprecherinnen: Brunhild Triesch/Judith Schreiber).
Der Wengkter kann kuomem! Beï den Techneschen Betrieben es etStröüsaultlager met 1.200 Tonnen guot geföllt. Für Noh-liëwerengen es ouch gesorgt.
Met 5,8 Milliunen € wierd de Ömbou van der Ohlegser Maartplaaze1,1 Milliunen € dürder, äs geplant wor. Der Aant van den Arbeïden es en 2022.
Bes 2026 sind 44 Soliger Husärzte em Rentenauler. Dr. Stephan Kochen, Baas van Solimed, es bang, datt wer dann tuo wenneg Döktersch hant. Eïnen Dokter betröüt vandag (em Schnett) alt 1369 Lütt.
Der Nachrichten-Rückblick auf die Zeit vom 19. November bis zum 26. November 2021. (Autorin: Judith Schreiber, Sprecherinnen: Brunhild Triesch/Judith Schreiber).
En etlechen Aulenheïmen sind de Bewohner alt et dreïde Mol geimpft. En Bethanien gött et ouch en Impfstatiun.
2023 well de Stadt 5,3 Milliunen € en`t Klengenmuseum stecken. Anger Johr wierd drüöwer prakesiert,wie se den Bou en Fazunn brengen können.
Emmer wiëder hant se beï den Bergeschen Museumsbahnen Kofferleïtengen affgeriëten on metgenohmen. Nu hant se twei Kläumöpse kriëgen.
Der Nachrichten-Rückblick auf die Zeit vom 13. November bis zum 18. November 2021. (Autorin: Brunhild Triesch, Sprecherinnen: Brunhild Triesch/Judith Schreiber).
500 Kenger on ehr Äulern trocken tem Märdessengen durch Gräwert. Et gof en grut Für on am Eng für jiëden Krukestoppen nen Böxenpitter
Wer em Rettengksdiënst arbeïden mäuht, mott völl lieren. Em Ruden Esel te Waul können sech jong Fürwehrlütt 3 Johr lang tem Nutfallsanitäter utbelden loten.
De Rodenkirkens vam Wipperkotten hant onger dem Huhwater büß geliëden. 150 000€ sall de Schaden kosten. Su freuden se sech üöwer en Spende van 10 000€ van der Fürwehr Rupeltroth, die en alt döckes beï Huhwater geholpen hatt.
Der Nachrichten-Rückblick auf die Zeit vom 05. November bis zum 12. November 2021. (Autorin: Judith Schreiber, Sprecherinnen: Brunhild Triesch/Judith Schreiber).
20 Johr wor de Anne Wehkamp met ganzem Herten Leïteren vam Stadtdiënst Integratiun. Vandag geïht se en Aulersdeïltiet on gött dat Amt an Caren Tuchel aff.
De Polizeï on de Verbrukerschötzer mahnen ter Vürsecht beï onagemeilden, sugenüömden Kondenberodern. Die wellen mierschtens jet verkoupen, wat men vleïhts gar nit bruckt.
3400 Fahrer mötten den griesen Führerschinn affgewen. Bes Janewar sind de Johrgäng 1953 bes 1958 draan, sech nen EU Führerschinn tuo besorgen.
Der Nachrichten-Rückblick auf die Zeit vom 29. Oktober bis zum 04. November 2021. (Autorinnen: Brunhild Triesch, Sprecherinnen: Brunhild Triesch/Judith Schreiber).
Em Stadtrot hant se beschloten, datt am 5. Dezember en Waul en Chreßdahsdorp opgebout werden darf. Ouch nen verkoupsopenen Sonndag am 2. Advent es derbeï.
Am Dreïeck muoß nen Busfahrer wegen nem Fuotgänger su doll bremsen, datt em Bus 3 Persunen ömfiëlen. Se sind all üöwer 80 Johr ault on muoßen en et Klinikum braiht werden.
Bes Dezember kriegen de Stadtwerke 8 nöü korte Batterie-Obusse. Se sallen vür allen Dengen van Vuhwenkel bes Ongerburg fahren on op engeren Strooten.
